Бүртгэл устгах

Апп дотроос устгах

1. BeeZHub апп-аа нээж, бүртгэлтэй утасны дугаараараа нэвтэрнэ.
2. Доод цэсний «Профайл» таб руу орно.
3. «Тохиргоо» дарна.
4. «Бүртгэл» хэсгийн «Бүртгэл устгах» товчийг дарна.
5. Гарч ирэх цонхонд «Таны нэр, зураг, утасны дугаар, ур чадвар цэвэрлэгдэж, дахин нэвтрэх боломжгүй болно. Энэ ажиллагааг буцаах боломжгүй. Итгэлтэй байна уу?» гэж асууна. «Бүртгэл устгах» дарж баталгаажуулна.
6. Бүртгэл тэр даруй устаж, апп таныг бүртгэлээс гаргана. Хүлээх хугацаа байхгүй.

Апп руу нэвтэрч чадахгүй бол

admin@beezhub.mn хаяг руу бүртгэлтэй утасны дугаараа бичиж, бүртгэл устгах хүсэлт илгээнэ үү.

Юу устах, юу хэр удаан үлдэх

Доорх текстийг Нууцлалын бодлого-оос хуулав.

10. Бүртгэл устгах

Профайл → Тохиргоо → "Бүртгэл устгах" товчоор бүртгэлээ шууд, автоматаар устгана (хүлээх хугацаагүй). Устгахад таны нэр, зураг, утасны дугаар, төрсөн огноо, ур чадвар, push token цэвэрлэгдэж, Итгэмжлэгдсэн хүний мэдээлэл болон блоклосон, блоклогдсон жагсаалт бүрэн устгагдана. Хүсвэл тухайн дугаараар шинээр бүртгүүлж болно. Гэхдээ хуучин бүртгэлийн мэдээлэл, түүх сэргэхгүй. Таны оролцсон ажлын түүх, үнэлгээ эсрэг талын хэрэглэгчийн түүх, маргаан шийдвэрлэх нотолгоонд хамаарах тул "Устгасан хэрэглэгч" нэрээр үлдэнэ.

8. Хадгалах хугацаа

Бүртгэлийн мэдээлэл (нэр, утас, төрсөн огноо, профайл зураг, ур чадвар), зөвшөөрлийн түүх болон таны зөвшөөрсөн итгэмжлэгдсэн хүний мэдээлэл бүртгэлээ устгах хүртэл хадгалагдана. Нээлттэй болон дүүрсэн зар бүх хэрэглэгчид харагдана; цуцлагдсан болон хугацаа дууссан зар зөвхөн зарын эзэн болон тухайн зарт хүсэлт өгсөн Гүйцэтгэгчид харагдана. Хугацаа нь дууссан, хэн ч аваагүй зар хугацаа дууссанаас 3 хоногийн дараа байршил, зураг, хариугүй хүсэлтийн хамт бүрэн устгагдана. Дүүрсэн, цуцлагдсан, дууссан зарын гарчиг, нарийн байршил, зураг, тайлбар, хаягийн текст зар хаагдсанаас 30 хоногийн дараа устгагдаж, ангилал, огноо, хөлс үлдэнэ (гарчгийн оронд ангиллын нэр харагдана). Ажлын түүхийн гарчиг, хамтрагчийн нэр, байршил 30 хоногийн дараа устгагдаж, огноо, ангилал, хөлс, ажлын тоо, үнэлгээний од үлдэнэ. Чатын мессеж ажил дууссан эсвэл цуцлагдсанаас 30 хоногийн дараа, чатын зураг 3 хоногийн дараа устгагдана. Солигдсон болон устгасан профайл зураг 30 хоногоос хэтрэхгүй хугацаанд устгагдана. Үнэлгээний сэтгэгдэл 30 хоногийн дараа устгагдаж, од болон шинж үлдэнэ. Гомдол, санал хүсэлт хаагдсан буюу шийдэгдсэнээс 30 хоногийн дараа, ажлын дараах судалгаа 30 хоногийн дараа устгагдана. Аюулгүй байдлын бүртгэл (яаралтай тусламж, таймер) болон таны мэдээллийг хэн авсан бүртгэл 30 хоногийн дараа устгагдана. Итгэмжлэгдсэн хүний урилга 7 хоногийн дотор зөвшөөрөгдөөгүй бол устгагдана. Ажилд нээлттэй гомдол байвал тухайн ажлын мессеж, зураг, зар, үнэлгээ, аюулгүй байдлын бүртгэл гомдол шийдэгдтэл нотлох баримт болж хадгалагдана. Блоклосон хэрэглэгчийн жагсаалт (хэн хэнийг блоклосон) блокийг буцаах эсвэл бүртгэл устгах хүртэл хадгалагдана. Устгалт өдөр бүр автоматаар хийгдэнэ.